等等等等....終於都整好架車喇!!
結束兩日兩夜司機長之旅
出town接埋德國女生Annika
跟住就去supermarket買呢幾日既食物
黃昏就出發喇!
last sunset in broome, goodbye
其實開夜車唔係幾好, 因為夜晚好多動物跑黎跑去, 好易撞死!
不過Ludwig反應好敏捷, 所以呢幾日咩事都無又慳番好多時間
沿路見到好多山火
有d係一片咁燒, 有d係好有規律一行直線
大家知唔知係咩原因呢?
走highway唔走Gibb river road原來真係無咩好睇
加上Darwin生活費比較貴
所以我最後決定停係Darwin附近既 Kununurra
呢個鎮出名farm job比較多
而且距離Gibb river road唔遠, 應該可以搵到方法完成部分景點
從Broome到Kununurra一帶屬於澳洲西北地帶, 稱為Kimberley
係澳洲有名既自然內陸地帶, 橫跨好幾個national park
可惜走highway又無4WD, 好多national park都無辦法遊覽
不過都可以欣賞下沿途景色
第二朝一早起身
對住麪包樹食花生醬麪包 再加枝apple cider
人生呢~~
食完早餐做咩好? 梗係爬上樹啦~
呢棵樹頗有名氣, 聽講已經三百幾年喇
Ok, 講就口響
我都好多好多年無爬過樹了...
終於上到去! 鍾意拍片既 Jano正在訪問我有咩感想
好大好壯既麪包樹, 終於都唔係只係電視出現
一望無際既公路
揸車謹慎既 Ludwig, 佢開車長期都係鄒住眉
有時會換上Annika
享受緊迎風快感既 Jano
輪流坐車尾
無風景睇但張大床好舒服
有時都會停低影下相
我好鍾意呢d草叢, 一個個圓碌碌好得意
沿途仲遇到唔同既野生動物
都有d袋鼠不過影唔到, 佢地走得太快
亦都因為太快好難避
一路上都見到好幾隻馬路邊既死袋鼠...
由於太無聊, Jano提議不如走上山
山腳下既一架爛車
但起程無耐Annika覺得草叢太高太密擔心有蛇
正當Jano不斷苦苦遊說"come on this is adventure!!"之際....佢見到一條蛇
Haha全部人番上車吧
Sefie time
荒山野嶺無餐廳
早餐食麪包, 午晚餐都係靠gas爐喺路上烹調
呢日午餐就係national park整salad
整個trip最難忘係每一個夜晚
用樹枝生火取暖,再喺銀河下煮cabonara pasta
簡直係完美既配搭
星星光到唔洗特別曝光都影到
當然曝完會更多
呢個係我夜晚訓車頭時對住既景色
Sleep under the milky way and shooting stars, 難道還有更美麗的睡房牆紙?
最後一餐晚餐係kununurra馬路邊BBQ
市鎮光害較多所以相對少星
但都係另一種體驗
我同Annika 既頹廢漢堡
我切洋蔥,佢炒, 即刻食得
Vegetarian Jano with his 齋漢堡
食肉獸Ludwig, 睇下佢塊牛扒
四日三夜就係咁嘻嘻哈哈過左去
留到結尾都希望同可能有興趣效法嘅朋友講聲
自駕Roadtrip想沖涼係要等遇到浴室 (可能收費)
所以我都3日先有得沖
而且洗手間係要喺草叢去
燃油連食物用左130AUS
Kununurra, here I am.
