收成季節比平時黎得遲, 而且果實成熟亦唔同步
只係估唔到竟然比預算延遲左兩三個禮拜
比較幸運的我, 有幸番番小黃瓜農場摘辣椒稍微填補生計
而我亦喺呢個時番左香港略盡綿力
但其餘八成同事都因為無為呢個失誤安排後著
只能每日喺芒果農場苦苦等待
重點係仲要交租金!!
嘻嘻親愛的我們又見面了
下班還可以去逛Palmaston夜市
雖然解釋唔到綁辮子做農場工人係咩玩法
是但啦
等等等等等
終於開得工喇!
農場房租每日23AUD (好貴=__=)
等開工/無工開/落雨天房租就為15AUD
亦即係大部分同事未開工已經交左~250AUD, 其實真係好慘...
農場外觀
左邊鐵皮屋係廁所, 右邊係睡房
農場理應只能容納二十幾人, 但我地卻入左三十幾個
Common area永遠多人到頭暈
房間內部, 逼到喊四人間
一d都唔值23AUD
一d都唔值23AUD
至於點解咁坎坷大家都唔放棄?
因為芒果屬於人工較高嘅農作物
17.6AUD per hr(125HKD!!) 而且每日可以做足10個半鐘
chur到連lunch break都只得半個鐘
星期六日無休
真正財源滾滾來
當然代價係摘芒果比之前摘長豆小黃瓜辣椒都攰多好多好多好多
一望無際嘅芒果海 一排排咁種植
呢度嘅芒果會被太陽曬到粉紅色架
好靚呀~
摘嘅時候其實仲係好硬未熟, 之後要經後期加工先可以推出市場
呢台就係摘芒果用嘅車
會一直不停地緩慢行駛
工人將摘到嘅芒果丟落塊藍色大布
有人負責係車上摘樹頂ge果實
有人係地上用長較剪摘
通常女仔就用短交剪剪最底層
或者做最唔消耗體力嘅洗果
芒果摘落黎會連埋個"丁"
洗果工人要拔走個丁, 就會有強酸液體噴出
如果唔即刻洗手, 會做成中度皮膚灼傷
所以我地會喺鹼水裡面拔
然後就經輸送帶送到後面大箱
幾多肥皂泡, 所以溫馨提示大家以後食芒果都係沖沖水先
裝滿就放低
題外話, 有日唔小心倒瀉三個箱子
芒果滿地
(只係相對, 依然要喺太陽底下跟住架車行十個鐘)
但代價就係會造成以上基本工傷
所以體力較好嘅男丁多數寧願摘都唔洗
咖啡色皮膚係因為沾到毒液, 雖然已經馬上沖水, 但依然會造成小量傷害
而且手指被樹枝/芒果車界損亦係基本工傷
加上每日泡十個鐘鹼水好傷皮膚
我地每個洗果工人都係100%命中溼疹
有時仲因為架車壞左改用另一台無輸送帶嘅車
要用人手將咁大盒芒果泡兩次水再倒落大箱
雖然有時會有男丁幫忙倒果 但始終都係超攰/__\
不過算啦 撐一下就有錢去玩
旅行萬歲
平時lunch都只係坐地下
又熱又曬大家都好頹
有時仲會有令人非常燥底嘅咬人螞蟻
非非非常偶然下會摘到樹上熟ge芒果
做完一整日勞工多數我沖完涼就直接訓覺撐多一秒都唔得
日子過得好快但咁生活每日都好難過
雖然亦可能只係小女子個別問題
因為都有一部分朋友工餘時間可以癡癡呆呆坐埋一臺嘻哈大笑一輪先訓
好厲害loll
農場門口有一個個奇怪山丘
估你唔到, 竟然係一種類似巨蟻嘅昆蟲所建的洞穴
由泥土沙石堆成
仲高過我
農場賬面上係澳洲人開嘅白工農場
但違法地默許仲介抽走我地每小時1蚊嘅稅款(稅前18.6AUD)
由於仲介係華人
加上相信全世界皆知亞洲人奴性重而專搵我地
95%員工都係來自台灣香港新加坡
我曾經問過5%入面的其中一個老外, 問佢係點搵到呢份工
佢話佢其實係拎綜緩嘅失業人士
平時政府會每日俾500AUD per week(3500HKD!!) 用作"幫補努力搵工之用"
但當政府有提供工作嘅時候佢就必須要上班以保住拎綜緩嘅資格
而芒果農場呢份工正正就係政府提供
然後我問佢: 500AUD津貼唔會令納稅市民不滿嗎
佢答我: 當然會, 市民成日投訴, but anyway who cares
天下政府無奇不有=___=
PS. 以我做過幾種農作物做reference
芒果真係好__攰!!! 體力透支
而且老外話我知原來芒果工作喺澳洲屬中度性危險工作
白工係要簽五份文件, 一堆指引
確保你知道芒果強酸毒液係有一定危險性
不過一分耕耘一分收獲
做一日芒果十個鐘真係搵好多錢
而且每個harvest season (9月底到11月初)都一定會需要人手, 尤其男丁
不過聽聞絕大部分芒果農場不論白工黑工
都一定會收昂貴租金
有d甚至所謂提供伙食, 從中再收一筆
所以從網上google一下, 都見到唔少人對食宿抱怨, 或者怒斥俾左租金無工開之類
所以除左多問問題, 搵個似乎有責任有良心一d 嘅工頭 (不過個人認為始終都係要d運)
我都唔知可以講咩喇...
